රුසියානු ජාතික යුවළක් නවාතැන් ගෙන සිටි හෝටල් කාමරයකට ඇතුළු වී ඇමරිකානු ඩොලර් 200ක්, රුපියල් 96,000ක්, ජංගම දුරකථනයක් ඇතුළු දේපළ සොරාගෙන ඇති බවට ලද පැමිණිල්ලක් මත කළුතර උතුර පොලිසිය පරීක්ෂණ ආරම්භකර තිබෙනවා.
සැකකරු අඩි 20 කට ආසන්න උසකින් යුත් තාප්පයකින් පැන කාමරයට ඇතුල් වී අද (05) මෙම සොරකම සිදුකර පළාගොස් ඇති බවයි වාර්තා වන්නේ.
සැකකරු පළායන අවස්ථාවේ දී සැක නොසිතෙන ආකාරයට රුසියානු ජාතික කාන්තාවගේ ගවුමක් ඇඳගෙන ගොස් ඇති බවට ද අනාවරණය වී තිබෙනවා.
සොරකම සිදුකළ සැකකරු හඳුනාගෙන ඇති අතර, ඔහුගේ නිවස පරීක්ෂා කිරීමේ දී සොරකම් කළ මුදල්වලින් කොටසක් සහිත මුදල් පසුම්බිය සහ ජංගම දුරකථනය මෙට්ටයක් යට සඟවා තිබිය දී සොයාගත් බව පොලිසිය පවසනවා.
සොරකම සිදුකර පළාඑන අවස්ථාවේ දී පාදයට සිදුවූ තුවාලයට ප්‍රතිකාර ලබාගැනීම සඳහා සැකකරු නිවසින් පිටව ගොස් ඇති අතර, ඔහුව අත්අඩංගුවට ගැනීමට පොලිසිය විමර්ශන අරඹා තිබෙනවා.
