spot_img
AFC Banner
Empty Ad
Empty Ad

රාජ්‍ය ඇමති සනත් නිශාන්තගේ දේහය ආරච්චිකට්ටුවේ නිවසට (වීඩියෝ)

රිය අනතුරකින් අභාවප්‍රාප්ත වූ රාජ්‍ය අමාත්‍ය සනත් නිශාන්ත මහතාගේ දේහය ආරච්චිකට්ටුව ප්‍රදේශයේ පිහිටි ඔහුගේ නිවස වෙත රැගෙන විත් තිබෙනවා.

බොරැල්ල පෞද්ගලික මල්ශාලාවක තැන්පත් කර තිබූ දේහය අද දහවල් නිවෙස බලා රැගෙන ඒම ආරම්භ කළ අතර ඊට අවසන් ගෞරව දැක්වීම සඳහා මඟ දෙපස විශාල ජනතාවක් රැස්ව සිටි බවයි අප වාර්තාකරු සඳහන් කළේ.

එමෙන්ම දේහයට අවසන් ගෞරව දැක්වීමට රාජ්‍ය අමාත්‍යවරයාගේ නිවස වෙත ද මේ වනවිට විශාල පිරිසක් පැමිණෙමින් සිටින බව සඳහන්.

දේහය පෞද්ගලික මල්ශාලාවක තැන්පත් කර තිබූ අවස්ථාවේ ඊට අවසන් ගෞරව දැක්වීමට ජනාධිපති රනිල් වික්‍රමසිංහ, අග්‍රාමාත්‍ය දිනේෂ් ගුණවර්ධන ඇතුලු මැති ඇමතිවරු විශාල පිරිසක් පැමිණ තිබුණා.

අද පෙරවරුවේ හිටපු ජනාධිපති ගෝඨාභය රාජපක්ෂ, කථානායක මහින්ද යාපා අබේවර්ධන ඇතුළු පිරිසක් ද දේහයට අවසන් ගෞරව දැක්වීමට පැමිණියා.

අභාවප්‍රාප්ත සනත් නිශාන්ත මහතාගේ දේහය පිළිබඳ අවසන් කටයුතු ලබන ඉරිදා සිදුකිරීමට නියමිතයි.

ජල සම්පාදන රාජ්‍ය අමාත්‍යවරයා ලෙස කටයුතු කළ සනත් නිශාන්ත මහතා සහ ඔහුගේ ආරක්ෂක නිලධාරියා ඊයේ (25) අලුයම කටුනායක අධිවේගී මාර්ගයේ සිදු වූ රිය අනතුරකින් ජීවිතක්ෂයට පත් වුණා.

ඒ ඔවුන් ගමන් ගත් රථය එම දෙසටම ඉදිරියෙන් ධාවනය වූ කන්ටේනර් රථයක හා මාර්ගයේ ආරක්ෂිත වැටේ ගැටීමෙන්.

රථයේ ගමන්ගත් රාජ්‍ය අමාත්‍ය සනත් නිශාන්ත මහතා සහ ඔහුගේ ආරක්ෂක නිලධාරියා මියගිය අතර ජීප් රථයේ රියදුරු රාගම ශික්ෂණ රෝහලේ ප්‍රතිකාර ලබමින් සිටිනවා.

රාජ්‍ය අමාත්‍ය සනත් නිශාන්ත මහතා මියයන විට 48 හැවිරිදි වියේ පසු වුණා.

මේ අතර මෙම අනතුර සම්බන්ධයෙන් ජිප් රථය පැදවූ රියදුරා හෙළිදරව්වක් සිදු කර තිබෙනවා.

ඇමතිවරයා ඇතුලු පිරිස හැකි ඉක්මනින් කොළඹට පැමිණීමට උත්සාහ කරමින් සිටි අතර එම අවස්ථාවේදී සනත් නිශාන්ත මෝටර් රථයේ නිදා සිට ඇති බවයි රියදුරු හෙළි කර ඇත්තේ.

“අපි පුළුවන් තරම් ඉක්මනට කොළඹ එන්න බලාගෙන ආවේ. ඒ වෙනකොට ඇමතිතුමාට නින්ද ගිහින් හිටියේ. හයිවේ එකේදී ඉස්සරහින් ගිය කාර් එක මම වම් පැත්තෙන් ඉස්සර කළා. ආපහු ජීප් එක දකුණු පැත්තේ මංතීරුවට ගන්න හදද්දී ඉස්සරහින් ගිය කන්ටේනර් එකේ හැප්පුණා. ජීප් එක කන්ට්‍රොල් නැතුව ගිහින් වැටේ හැප්පිලා නතර වුණා.” යනුවෙන් ඔහු ප්‍රකාශ කර තිබෙනවා.

රාගම උතුරු කොළඹ ශික්ෂණ රෝහලේ ප්‍රතිකාර ලබන රියදුරා වන ප්‍රභාත් එරංග පොලිසිය කළ ප්‍රශ්න කිරීම්වලදී අනතුර පිළිබඳ මෙම තොරතුරු හෙළි කර තිබෙනවා.

අනතුර සිදුවන අවස්ථාවේ රථය පැයට කිලෝ මීටර් 160ක පමණ වේගයකින් ධාවනය වී ඇති බවද විමර්ශනවලදී අනාවරණය වී ඇති සඳහන්.

අනතුරින් හිටපු රාජ්‍ය අමාත්‍ය සනත් නිශාන්ත මහතාගේ හිසට සහ දකුණු පාදයට බරපතළ තුවාල සිදුව ඇති බව රෝහල් ආරංචි මාර්ග අනාවරණය කර තිබෙනවා.

ඔබේ ප්‍රතිචාරය කුමක්ද ?
+1
0
+1
2
+1
1
+1
0
+1
6
+1
0
+1
3
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්
Video thumbnail
දසත Mid Day 11.25 ප්‍රධාන ප්‍රවෘත්ති ප්‍රකාශය - DASATHA NEWS 11.25 PM LIVE |2024-07-24| Dasatha News
33:40
Video thumbnail
බැංකු ණය ගන්න ඉන්න අයට අද ඉඳන් ලැබෙන ලොකු වාසිය මෙන්න...#bankloan #bankrate
07:39
Video thumbnail
ගෙදර යන්න ඉන්න රනිල්ගේ කෙරුවාවට දෝස්මුරයක්...
05:44
Video thumbnail
Club වසන්තගේ ඝාතනයට සම්බන්ද ලොකු පැටීගේ කෙරුවවේ සුළ මුළ හෙළිවේ...#clubwasantha
03:19
Video thumbnail
"දුෂ්කර පාසල්වලට උදව් කරන්න ඉලෝන් මස්ක්ට එන්න කිව්වා" #ranilwickremesinghe #ilonmask
02:21
Video thumbnail
පොලිස්පති ගැන තීරණයක් ගන්න ඇමති මණ්ඩලය හදිසියේ රැස්වෙයි - මෙන්න වෙන්න අලුත්ම දේ...
01:45
Video thumbnail
Dasatha “පිටුවෙන් පිටුව” – LIVE | 2024-07-24
01:06:11
Video thumbnail
මැතිවරණ කොමිසම හෙට රැස්වෙයි - කවුරුත් බලාසිටි මැතිවරණ දිනය නොබෝ දිනකින්... #election2024
03:19
Video thumbnail
රටේ නීතියේ හයිය නිසා පුටුවෙන් තල්ලු වූ පොලිස්පති දේශබන්දු
08:12
Video thumbnail
රාහු කාලය ගැන නම් No Comment...හිටපු මැ.කෝගෙන් සුපිරි පිළිතුරක් #MahindaDeshapriya
05:35

?