spot_img
AFC Banner
Empty Ad
Empty Ad

රාජ්‍ය ඇමති සනත් නිශාන්තගේ අවසන් කටයුතු අද

අභාවප්‍රාප්ත සනත් නිශාන්ත මහතාගේ දේහය පිළිබඳ අවසන් කටයුතු අද පස්වරුවේ සිදුවනවා.ඒ රාජකදළුව රෝමානු කතෝලික දේවස්ථාන සුසාන භූමියේදීයි.

ඔහුගේ දේහය ආරච්චිකට්ටුවේ පිහිටි නිවසේ තැන්පත් කර ඇති අතර ඊට අවසන් ගෞරව දැක්වීම සඳහා විශාල ජනතාවක් එක්ව සිටින බවයි අප වාර්තාකරුවන් සඳහන් කළේ.

අභාවප්‍රාප්ත රාජ්‍ය අමාත්‍ය සනත් නිශාන්ත මහතාගේ දේහය මේ වන විට තැන්පත් කර ඇත්තේ ආරච්චිකට්ටුවේ පිහිටි ඒ මහතාගේ නිවස පරිශ්‍රයේ ඉදිකෙරුණු තාවකාලික ශාලාවකයි.

ඔහුට අවසන් ගෞරව දැක්වීමට ප්‍රදේශවාසීන්, දේශපාලනඥයින් ඇතුලු බොහෝ පිරිසක් එහි පැමිණෙමින් සිටිනවා.

මිය යන විට 48 වැනි වියේ පසු වූ රාජ්‍ය අමාත්‍ය සනත් නිශාන්ත මහතා සිව් දරු පියෙක්.

අභාවප්‍රාප්ත වූ රාජ්‍ය අමාත්‍ය සනත් නිශාන්තගේ දේහය පළමුවෙන් මහජන ගෞරවය සඳහා කොළඹ පෞද්ගලික මල් ශාලාවක තැන්පත් කෙරුණු අතර, එහිදී දේශපාලනඥයින්, පාක්ෂිකයන් ඇතුලු බොහෝ පිරිසක් පැමිණ දේහයට අවසන් ගෞරව දක්වනු ලැබුවා.

බොරැල්ලේ පෞද්ගලික මල් ශාලාවක තැන්පත් කර තිබූ රාජ්‍ය අමාත්‍යවරයාගේ දේහය ආරච්චිකට්ටුව ප්‍රදේශයේ පිහිටි ඔහුගේ නිවස වෙත පෙරේදා (26) පස්වරුවේ රැගෙන ගියා.

රාජ්‍ය අමාත්‍යවරයාගේ දේහය රිය පෙරහරකින් නිවසට රැගෙන ගිය අතර, මග දෙපස විශාල ජනතාවක් රැස්වෙමින් ඔහුට අවසන් ගෞරව දක්වනු ලැබුවා.

කටුනායක අධිවේගී මාර්ගයේදී රාජ්‍ය අමාත්‍ය සනත් නිශාන්ත ගමන් ගත් ජීප් රථය එම දෙසටම ධාවනය වූ කන්ටේනර් රථයක පිටුපස ගැටී පෙරේදා සිදු වූ අනතුරකින් රාජ්‍ය අමාත්‍යවරයා සහ ඔහුගේ ආරක්ෂක නිලධාරියා ජීවිතක්ෂයට පත්වුණා.

එම පොලිස් කොස්තාපල් අනුරාධ ජයකොඩි මහතා පොලිස් සැරයන් නිලයට ද උසස් කිරීමටයි පොලිසිය පියවර ගෙන ඇත්තේ.

මේ අතර, අත්අඩංගුවට ගත් රාජ්‍ය අමාත්‍ය සනත් නිශාන්ත මහතාගේ රියදුරා වන 28 හැවිරිදි ප්‍රභාත් එරංග නැමැත්තා පෙබරවාරි මස 05 වැනිදා දක්වා රක්ෂිත බන්ධනාගාරගත කර තිබෙනවා. වැලිසර මහේස්ත්‍රාත්වරයා විසින් අදාළ නියෝගය ලබාදුන්නා.

මේ අතර, රාජ්‍ය අමාත්‍ය සනත් නිශාන්ත මහතාට දිවි අහිමි වූ රිය අනතුර සම්බන්ධයෙන් එම රථය පැදවූ රියදුරා පොලීසියට විශේෂ කරුණු දැක්වීමක් කර තිබෙනවා.

ඒ අනුව වසර 10 ක පමණ කාලයක සිට ඔහුගේ රියදුරා ලෙස කටයුතු කළ ප්‍රභාත් එරංග මහතා පොලීසිය හමුවේ පවසා ඇත්තේ,

“අපි පුළුවන් තරම් ඉක්මනට කොළඹ එන්න බලාගෙන ආවේ. ඒ වෙනකොට ඇමතිතුමාට නින්ද ගිහින් හිටියේ. හයිවේ එකේදී ඉස්සරහින් ගිය කාර් එක මම වම් පැත්තෙන් ඉස්සර කළා. ආපහු ජීප් එක දකුණු පැත්තේ මංතීරුවට ගන්න හදද්දී ඉස්සරහින් ගිය කන්ටේනර් එකේ හැප්පුණා.ජීප් එක කන්ට්‍රොල් නැතුව ගිහින් වැටේ හැප්පිලා නතර වුණා.” යනුවෙනුයි.

කෙසේ වෙතත්, අභ්‍යන්තර පොලිස් ආරංචි මාර්ග සනාථ කළේ විමර්ශනවලින් හෙළිවී ඇති අන්දමට මෙම අනතුර සිදුවන අවස්ථාවේ ජීප් රථය පැයට කිලෝමීටර් 160 ඉක්මවූ වේගයකින් ධාවනය කර ඇති බවටයි.

මේ අතර අනතුර සිදුවන අවස්ථාවේදී රියැදුරු මත්පැන් පානය කර සිටියේද යන්න සොයා බැලීම සඳහා කටුනායක අධිවේගී මාර්ග රථවාහන පොලීසිය අධිකරණ වෛද්‍ය නිලධාරින්ගෙන් ඉල්ලීමක්ද කර ඇති බව වාර්තා වනවා.

මේ අතර, රාජ්‍ය අමාත්‍ය සනත් නිශාන්ත මහතා සමඟ රිය අනතුරින් මිය ගිය ඔහුගේ ආරක්ෂක නිලධාරි පොලිස් කොස්තාපල් අනුරාධ ජයකොඩි මහතා පොලිස් සැරයන් නිලයට උසස් කර තිබෙනවා.

එසේම, වැඩබලන පොලිස්පති දේශබන්දු තෙන්නකෝන් විසින් අනුරාධ ජයකොඩි මහතාගේ පවුලට රුපියල් ලක්ෂ 15ක් ලබා දුන්නා.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
2
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්
Video thumbnail
දසත Mid Day 11.25 ප්‍රධාන ප්‍රවෘත්ති ප්‍රකාශය - DASATHA NEWS 11.25 PM LIVE |2024-07-24| Dasatha News
33:40
Video thumbnail
බැංකු ණය ගන්න ඉන්න අයට අද ඉඳන් ලැබෙන ලොකු වාසිය මෙන්න...#bankloan #bankrate
07:39
Video thumbnail
ගෙදර යන්න ඉන්න රනිල්ගේ කෙරුවාවට දෝස්මුරයක්...
05:44
Video thumbnail
Club වසන්තගේ ඝාතනයට සම්බන්ද ලොකු පැටීගේ කෙරුවවේ සුළ මුළ හෙළිවේ...#clubwasantha
03:19
Video thumbnail
"දුෂ්කර පාසල්වලට උදව් කරන්න ඉලෝන් මස්ක්ට එන්න කිව්වා" #ranilwickremesinghe #ilonmask
02:21
Video thumbnail
පොලිස්පති ගැන තීරණයක් ගන්න ඇමති මණ්ඩලය හදිසියේ රැස්වෙයි - මෙන්න වෙන්න අලුත්ම දේ...
01:45
Video thumbnail
Dasatha “පිටුවෙන් පිටුව” – LIVE | 2024-07-24
01:06:11
Video thumbnail
මැතිවරණ කොමිසම හෙට රැස්වෙයි - කවුරුත් බලාසිටි මැතිවරණ දිනය නොබෝ දිනකින්... #election2024
03:19
Video thumbnail
රටේ නීතියේ හයිය නිසා පුටුවෙන් තල්ලු වූ පොලිස්පති දේශබන්දු
08:12
Video thumbnail
රාහු කාලය ගැන නම් No Comment...හිටපු මැ.කෝගෙන් සුපිරි පිළිතුරක් #MahindaDeshapriya
05:35

?