දිඹුලාගල දලුකාන ගම්මානයේ ආදිවාසී නිවසක 03 වෙනිදා සවස 2ට පමණ ගෑස් ලිපක් පිපිරී එම ගෑස් ලිප විනාශ වී තිබෙනවා.
එයින් කිසිවෙකුටත් හානියක් සිදුව නැති බවයි අප වාර්තාකරු පැවසුවේ.
තම නිවසේ ගෑස් ලිප දැල්වීමට යෑමේදී ගෑස් සිලින්ඩරය තුළින් හඬක් නැගුන බවත්, එක්වරම ගෑස් ලිප දැල්වීමටත් සමග පුපුරා ගිය බවත් ආදිවාසි කාන්තාවක් වන රෝසප්පුගේ සුජීවා ප්‍රියදර්ශණී අප සමඟ පැවසුවා.
තමන් මේ පිළිබඳව හදිසි දුරකථතන ඇමතුම් අංශය ඇමතුවද ඊට ප්‍රතිචාරයක් නොලැබුන බවත් ගෑස් ලිප පිපිරීම් පිළිබඳ මනම්පිටිය පොලිසියට පැමිණිල්ලක් යොමු කරන බව ද වැඩිදුරටත් සඳහන් කළා.
තමන් මීට පෙර දර භාවිතා කරමින් ඉහුම් පිහුම් වැඩ කර ගත් බවත්, පවතින අධික වර්ෂාව නිසා එලෙස දර සොයාගෙන ඒමට අපහසු නිසා තාම රත්තරන් මාලය බැංකුවේ උගසට තබා අලුතින් ගෑස් ලිපක් සහ ගෑස් සිලින්ඩරයක් ලබාගත් බවත්,සති දෙකක කාලයක තුළදී එය පිපිරී යෑම හිතාගත නොහැකි බවද ඇය සඳහන් කළාය.
එම ගෑස් සිලින්ඩරය ගෙවත්තට විසි කර දැමූ බවත් එයින් පවුලම අසරණභාවයට පත්වුණු බවත් ඇය සඳහන් කරනවා.
ගොසිප් ලංකා නිව්ස් මනම්පිටිය වාර්තාකරු – නිමල් ජයරත්න
