යුක්රේනයේ ළමා සහ මාතෘ රෝහලකට එල්ල වූ රුසියානු ප්‍රහාරයකින් 17 කට තුවාල

යුක්රේනයේ මරියුපෝල් නගරයේ පිහිටි ළමා සහ මාතෘ රෝහලක් වෙත එල්ල වූ රුසියානු ප්‍රහාරයකින් ඊට බරපතල හානි සිදුවී තිබෙනවා.

රුසියානු රොකට් ප්‍රහාරයක් මෙලෙස එල්ලවී ඇති බව සඳහන්.

යුක්රේන වාර්තාවල දැක්වෙන්නේ රෝහල් සේවකයින්, මව්වරුන් ඇතුළු 17 දෙනෙකු තුවාල ලබා ඇති බවයි.

කෙසේ වුවත් තුවාලකරුවන් ගණන මීට වඩා ඉහල යාමේ හැකියාවක් පවතින බවයි සහන සේවකයින් සඳහන් කර සිටින්නේ.

මේ අතර යුක්රේන ජනාධිපති වොලොඩිමිර් සෙලෙන්ස්කි සහ එක්සත් ජාතීන්ගේ සංවිධානයද, රුසියාව විසින් රෝහලක් ඉලක්ක කරමින් සිදුකළ ප්‍රහාරය හෙළා දැක යුක්රේන ජනාධිපතිවරයා පෙන්වා දෙන්නේ එය යුධ අපරාධයක් බවයි.

එමෙන්ම බටහිර රටවල් රැසක්ද මෙම රුසියානු ප්‍රහාරය සම්බන්ධයෙන් දැඩි විවේචන එල්ල කර තිබෙනවා.

මේ අතර රුසියානු සහ යුක්රේන විදේශ අමාත්‍යවරුන් අතර නිල සාකච්ඡාවක් තුර්කියේදී අද පැවැත්වෙනවා.

තුර්කි ජනාධිපති රෙසෙප් ටයිප් අඩවොන් සහ අමෙරිකා ජනාධිපති ජෝ බයිඩ්න් අතර දුරකථන සංවාදයක්ද පැවැත්වීමට නියමිතයි.

මේ අතර ජාත්‍යන්තර මූල්‍ය අරමුදල විසින් යුක්රේනයට ඩොලර් බිලියන 1.4 ක හදිසි ණය මුදලක් අනුමත කර තිබෙනවා.

ඔබේ ප්‍රතිචාරය කුමක්ද ?
පට්ට !
1
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
1
කුජීතයි !
1
spot_img

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

සතියේ ජනප්‍රියම පුවත්

අපගේ නවතම පුවත්

?