මහ කන්නයේ දී වී ගොවීන්ට අවශ්‍ය ඉන්ධන සැපයීමේ වගකීම දිස්ත්‍රික් ලේකම්වරුන්ට
මහ කන්නයේ දී වී ගොවීන්ට අවශ්‍ය ඉන්ධන හිඟයකින් තොරව සැපයීමේ වගකීම සියලුම දිස්ත්‍රික් ලේකම්වරුන් වෙත පවරා තිබෙනවා.
ජනාධිපති රනිල් වික්‍රමසිංහ විසින් එම උපදෙස් ලබා දී ඇති බවයි කෘෂිකර්ම අමාත්‍ය මහින්ද අමරවීර සඳහන් කළේ.
ඒ, අනුව මහ කන්නයට අවශ්‍ය ඉන්ධන හිඟයකින් තොරව සැපයීම සම්බන්ධීකරණය සඳහා ලංකා ඛනිජතෙල් සංස්ථාව විසින් විශේෂ නිලධාරියෙක් පත් කිරීමට ද නියමිතයි.
එමෙන්ම සියලු දිස්ත්‍රික් ලේකම්වරු විසින් ඊට අවශ්‍ය පියවර ගත යුතු බවත් කෘෂිකර්ම අමාත්‍යවරයා සඳහන් කළා.
වී වගාවට අවශ්‍ය ඉන්ධන ලබාගැනීමේ දී ගැටළුවක් පවතී නම් ගොවීන් දිස්ත්‍රික් ලේකම්වරයා සමඟ සාකච්ඡා කළ යුතු බව ද අමාත්‍යවරයා වැඩි දුරටත් සඳහන් කර සිටියා.
එමෙන්ම දැනට පවතින භූමිතෙල් පිළිබඳ ගැටළුව මේ මස 20 වනදායින් පසුව විසඳීමට කටයුතු යොදා ඇති බව සඳහන්.
