නිසි බුද්ධි තොරතුරු ලැබී තිබිය දී පාස්කු ප්‍රහාරය වළක්වා නොගැනීම සම්බන්ධයෙන් චෝදනා ලැබ සිටි හිටපු පොලිස්පති පූජිත් ජයසුන්දර සහ හිටපු ආරක්ෂක ලේකම් හේමසිරි ප්‍රනාන්දු යන අයට එරෙහිව නීතිපතිවරයා විසින් කොළඹ විශේෂ ත්‍රිපුද්ගල මහාධිකරණය හමුවේ පවරා තිබූ නඩුවෙන් එම විත්තිකරුවන් දෙදෙනා කිසිම විත්ති වාචික කැඳවීමකින් තොරව නිදහස් කිරීමට එම ත්‍රිපුද්ගල මහාධිකරණය ලබාදුන් නියෝගය ශ්‍රේෂ්ඨාධිකරණය අද (05) බලරහිත කරනු ලැබුවා.
එම විත්තිකරුවන් දෙදෙනාට එරෙහිව නීතිපතිවරයා ගොනු කර තිබූ නඩුව නැවත විභාගයට ගෙන විත්ති වාචිකය කැඳවා නඩු විභාගය ආරම්භ කරන ලෙසට ප්‍රීති පද්මන් සූරසේන ප්‍රමුඛ පංච පුද්ගල ශ්‍රේෂ්ඨාධිකරණ විනිසුරු මඩුල්ල නියෝගයක් නිකුත් කරමින් සඳහන් කළා.
ත්‍රිපුද්ගල මහාධිකරණ විනිසුරු මඩුල්ලේ එම තීරණය නීතියට පටහැනි බවත්; එය බලරහිත කරන ලෙසත් ඉල්ලා නීතිපතිවරයා විසින් එම අභියාචනා පෙත්සම් ශ්‍රේෂ්ඨාධිකරණයට ඉදිරිපත් කර තිබුණා.
