spot_img
AFC Banner
Empty Ad
Empty Ad

පුතාව පෙම්වතියගෙන් බේරාගන්න ඕ.අයි.සීට අල්ලස් දීලා

ගලේවෙල පොලිස් ස්ථානයේ ස්ථානාධිපතිවරයාට රුපියල් 5,000ක අල්ලස් මුදලක් ලබාදීමට තැත් කළ පුද්ගලයෙක් අත්අඩංගුවට ගත් පුවතක් ඊයේ (22) වාර්තා වුණා.

මෙලෙස අත්අඩංගුවට ගනු ලැබුවේ ඉබ්බාගමුව ප්‍රදේශයේ පදිංචි මොහිදීන් මොහොමඩ් නැමැති 64 හැවිරිදි පුද්ගලයෙක්.

මෙම පුද්ගලයා තවත් පිරිසක් සමඟ පොලිසියට පැමිණ පවසා ඇත්තේ තම පුත්‍රයෙකු ගලේවෙල ප්‍රදේශයේ පිහිටි පෙම්වතියගේ නිවසට පැමිණ සිටින බවයි.

එහි රැඳී සිටින පුත්‍රයා එම නිවසින් ගෙනවිත් අවවාදකර තමන් වෙත භාරදෙන ලෙසයි පවසා ඇත්තේ.

එම අවස්ථාවේ ගලේවෙල පොලිසියේ ස්ථානාධිපතිවරයා, සුළු පැමිණිලි අංශයේ ස්ථානාධිපතිවරයා කැඳවා එම පැමිණිල්ල සටහන් කොට විමර්ශනයක් සිදුකරන ලෙස දන්වා තිබෙනවා.

පැමිණිල්ල සටහන් කර ගැනීමෙන් අනතුරුව ස්ථානාධිපතිවරයා සිටි ස්ථානය පැමිණ ඇති සැකකාර පුද්ගලයා එම අවස්ථාවේ දී ස්ථානාධිපතිවරයා කියවමින් සිටි පොතක් තුළට ලියුම් කවරයක් වැනි දෙයක් දමා පිටව යාමට උත්සාහ කර ඇති බව සඳහන්.

එම අවස්ථාවේ ස්ථානාධිපතිවරයා එය විවෘත කර බලා ඇති අතර, ඒ තුළ රුපියල් පන්දහසේ නෝට්ටුවක් තිබෙන අයුරු දැක තිබෙනවා.

මෙම මුදල කුමකටදැයි මෙම පුද්ගලයාගෙන් ස්ථානාධිපතිවරයා විමසා ඇති අතර, එහිදී ඔහු පවසා ඇත්තේ තමාගේ අවශ්‍යතාව ඉටුකර ගැනීම වෙනුවෙන් ලබාදුන් සන්තෝෂම් මුදලක් ලෙසයි.

මෙහිදී ස්ථානාධිපතිවරයා විසින් සැකකරුව රාජකාරියට බාධා කිරීම සහ අල්ලස් ලබාදීමට උත්සාහ කිරීම සම්බන්ධයෙන් අත්අඩංගුවට ගැනීමටයි කටයුතු කර ඇත්තේ.

මෙලෙස අත්අඩංගුවට ගැනුණු සැකකරු හෙට (23) දිනයේ දඹුල්ල මහේස්ත්‍රාත් අධිකරණය වෙත ඉදිරිපත් කිරීමට නියමිත බවයි පොලිසිය පැවසුවේ.

ඔබේ ප්‍රතිචාරය කුමක්ද ?
+1
0
+1
2
+1
13
+1
1
+1
1
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?