මිතුරකුගේ නිවසට පැමිණ එහි තිබූ රුපියල් ලක්ෂ පහ හමාරක පමණ රත්රං අත් පළඳනාවක් සොරකම් කර එම මුදලින් ජංගම දුරකථනයක් සහ තමාගේ සුරතල් සුනඛයා වෙනුවෙන් උපන්දින සාදයක් පැවැත්වූ පුද්ගලයෙකු සොයා පොලිසිය පරීක්ෂණ ආරම්භ කර තිබෙනවා.
මොරටුමුල්ල පොලිසිය සඳහන් කර ඇත්තේ 19 හැවිරිදි සැකකරු මෙම පුද්ගලයා මෙවර උසස් පෙළ විභාගයට පෙනී සිටින අතර සොරකම සිදු වූ නිවස ආසන්නයේ පදිංචිකරුවෙකු බවයි.
ඔහු අසල්වැසි මිතුරාගේ නිවසට නිතර යන එන, සෙල්ලම් කරමින් කාලය ගත කරන අයෙකු වන අතර ඔහු පිළිබඳ නිවැසියන් විශ්වාසයෙන් සිට ඇති බව සඳහන්.
පසුගිය සතියේ නිවසේ තිබූ රන් අත් පළඳනාවක් අතුරුදන් වීම පිළිබඳ හිමිකරුවන් පොලිසියට පැමිණිලි කර තිබෙනවා.
එම රන් අත් පළඳනාව අස්ථානගත වී දින කීපයකට පසු නිවසට ආ ගිය තම මිතුරා වටිනා ජංගම දුරකථනයක් මිලදී ගැනීම සහ සුරතල් සුනඛයා වෙනුවෙන් උපන්දින උත්සව සාදයක් පැවැත්වීම පිළිබඳ මෙම නිවැසියන්ට සැක මතුවී තිබෙනවා.
අනතුරුව ඒ සම්බන්ධයෙන් පොලිසිය දැනුවත් කර ඇති අතර පොලිසිය පරීක්ෂණ සිදු කිරීමේදී ඔහු ප්රදේශයෙන් පළා ගොස් ඇති බවටයි වාර්තා වන්නේ.
පසුව පොලිසිය කළ සොයා බැලීමේදී සැකකාර තරුණයාගේ නිවසේ තිබී රන් භාණ්ඩ උකස් අලෙවිසැලක රිසිට්පතක් හමුවී ඇති අතර ඔහුගේ පියා යොදවා එම රන් පළඳනාව බේරා ගෙන එම පියා පොලිස් අත් අඩංගුවට ගෙන තිබෙනවා.
අත් පළඳනාව සොරකම් කළ සැකකරු සොයා පොලීසිය පරීක්ෂණ ක්රියාත්මක අතර සැකකරුගේ පියා මොරටුව මහේස්ත්රාත් අධිකරණය වෙත ඉදිරිපත් කිරීමට නියමිතයි.
