ඉදිරි දකුණු පාදයට වෙඩි වැදී දින ගණනාවක් පීඩාවෙන් සිටි වන අලියෙකුට ප්‍රතිකාර ලබාදීමට අනුරාධපුර පණ්ඩුලගම වනජීවී පශු වෛද්‍ය ඒකකයේ නිළදාරීන් කටයුතු කරනු ලැබුවා.
හුරුළුවැව ඉස්මත්තේ සැරිසැරූ මේ අලියා සොයා ගැනීමට ගම් වාසීන් සහ වනජීවී නිලධාරීන් මහත් පරිෂමයක් දරා තිබුණා.
අලියාගේ තත්ත්වය පරීක්ෂාකල මොරගොඩ වනජීවී කාර්යාලයේ නිලධාරීන් ඒ ගැන අනුරාධපුර පණ්ඩුලගම වනජීවී පශු වෛද්‍ය ඒකකයේ නිලධාරීන්ට දැනුවත් කිරීමෙන් පසුව පශුවෛද්‍ය ඩබ්ලිව්.අයි.යු.මදුවන්තී මහත්මිය ඇතුළු වෛද්‍ය කණ්ඩායමක් පැමිණ වන අලියාට ප්‍රතිකාර කළා.
තුවාල ලැබූ අලියා වයස අවුරුදු හයක් හා අඩි හයක් පමණ උසැති සතෙකු බව පැවසූ වනජීවී නිලධාරීන් එම සත්වයා හුරුළු වැව වාස භූමිය කරගත් අලි රෑනකින් මගහැරුණු අලියෙකු බව වනජීවී නිලධාරීන් පැවසුවා.
ඔබේ ප්‍රතිචාරය කුමක්ද ?
