දෙහිවල සත්වෝද්‍යානයේ සිංහයන් ඇතුළු සතුන් කිහිපදෙනෙකුට කොරෝනා පැතිරුණේ එහි වවුලන්ගෙන් දැයි සැකයක් මතුව ඇතැයි වනජීවී රාජ්‍ය අමාත්‍ය විමලවීර දිසානායක මහතා පැවැසීය .
කෙසේ වෙතත් ඒ සම්බන්ධයෙන් සොයා බලා ගෙන යන බවද හෙතෙම සඳහන් කළේය .
දෙහිවල සත්වෝද්‍යානයේ කොවිඩ් මුලින්ම වැළඳුණේ ”තෝර්” නැමැති සිංහයාටය. එම සිංහයාගේ තත්වය සතුටුදායක යැයි පැවසිය නොහැකි බවද රාජ්‍ය ඇමැතිවරයා ප්‍රකාශ කළේය .
කොවිඩ් ආසාදනයවූ සිංහ ධේනුව, ඔරංඔටන් දෙදෙනා සහ චිම්පන්සි දෙදෙනාගේ තත්වය සාමාන්‍ය බව පැවසූ විමලවීර දිසානායක මහතා දෙහිවල සත්වෝද්‍යානය ඇතුළු සියලු සත්වෝද්‍යාන අනිද්දා (26) සඳුදා විවෘත කරන බවද පැවසුවේය .
සත්වෝද්‍යාන වසා දැමීම නිසා ඒවායේ සතුන්ට කෑම බීම සඳහා අවශ්‍ය වියදම් සොයා ගැනීමද දුෂ්කර වී ඇතැයි හෙතෙම සඳහන් කළේය .
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
