ශ්‍රී ලංකාවේ දකුණු කොරියානු තානාපති වුන්ජින් ජියෝන් මහතා ඇතුළු දකුණු කොරියාවේ බුසාන් මෙට්‍රොපොලිටන් නගර සභාවේ සාමාජිකයන් 13 දෙනෙකුගෙන් යුතු දූත පිරිසක් කථානායක මහින්ද යාපා අබේවර්ධන හමු වී සාකච්ඡා කර තිබෙනවා.
දෙරට අතර සම්බන්ධතාව වැඩිදියුණු කිරීම සම්බන්ධයෙන් මෙන්ම 2030 වසරේදී දකුණු කොරියාවේ පැවැත්වීමට නියමිත බුසාන් ලෝක ප්‍රදර්ශනය සම්බන්ධයෙන් මෙහිදී සාකච්ඡා පැවති බව සඳහන්.
මෙම අවස්ථාවට ශ්‍රී ලංකා පාර්ලිමේන්තුවේ ශ්‍රී ලංකා – දකුණු කොරියානු මිත්‍රත්ව සංගමය නියෝජනය කරමින් රාජ්‍ය අමාත්‍ය කාදර් මස්තාන්, පාර්ලිමේන්තු මන්ත්‍රීවරුන් වන යදාමිණි ගුණවර්ධන සහ කරුණාදාස කොඩිතුවක්කු යන මහත්වරු ද කාර්ය මණ්ඩල ප්‍රධානී සහ පාර්ලිමේන්තුවේ නියෝජ්‍ය මහලේකම් කුෂානි රෝහණදීර මහත්මිය ද සහභාගී වී සිටියා.
ඔබේ ප්‍රතිචාරය කුමක්ද ?
1
