තරුණියකගේ වෙන්වී ගිය අතක් පැය 4ක සැත්කමකින් පසු සාර්ථකව බද්ධ කිරීමට කෑගල්ල මහ රෝහලේ වෛද්ය කණ්ඩායමක් සමත්වී තිබෙනවා.
තරුණියකගේ සිරුරෙන් වෙන් වී තිබූ අත ඊයේ මධ්යම රාත්රියේ රෝහලට රැගෙන විත් ඇති අතර එය සාර්ථකව ඇයට බද්ධ කළ බවයි කෑගල්ල මහ රෝහලේ විශේෂඥ ශල්ය වෛද්ය ආනන්ද ජයවර්ධන මහතා කියාසිටියේ.
කෑගල්ල එරබදුපිටිය ප්රදේශයේ ඥාති පවුල් දෙකක් අතර ඊයේ රාත්රී ඇති වූ ගැටුමක් අතර පුද්ගලයෙකු මන්නයකින් පහරදීම හේතුවෙන් 21 හැවිරිදි මෙම තරුණියගේ වම් අතේ පහළ කොටස වෙන්වී තිබෙනවා.
වෙන් වූ අත් කොටස අයිස් යෙදූ කවරයක දමා තරුණිය ද සමග කෑගල්ල මහ රෝහලට ඇතුලත් කිරීමටයි අසල්වාසීන් කටයුතු කර ඇත්තේ.
එහිදී වහාම ක්රියාත්මක වූ විශේෂඥ ශල්ය වෛද්ය ආනන්ද ජයවර්ධන මහතා ඇතුළු වෛද්ය කණ්ඩායම් තරුණියගේ අත බද්ධ කිරීමේ සැත්කම රාත්රී 9ට පමණ ආරම්භ කර තිබුණා.
ඊට සහායක වෛද්යවරුන්, නිර්වින්දන වෛද්යවරයා, හෙද කාර්ය මණ්ඩලය, සෞඛ්ය සහායක කණ්ඩායම් සහ ලේ බැංකුව විශාල සහයෝගයක් ලබාදුන් බවයි වෛද්ය ආනන්ද ජයවර්ධන මහතා කියාසිටියේ.
සැත්කමින් පසු තරුණිය දැඩි සත්කාර ඒකකයට ඇතුලත් කර ඇති අතර ඇයගේ තත්ත්වය යහපත් අතට හැරෙමින් පවතින බව විශේෂඥ ශල්ය වෛද්යවරයා ප්රකාශ කළා.
