ලංකා ප්රිමියර් ලීග් තරගාවලියේ තවත් තීරණාත්මක තරගයක් කොළඹ ආර්.ප්රේමදාස ක්රිකට් ක්රීඩාංගණයේ දී මේ වනවිට ක්රියාත්මකයි.
ජැෆ්නා කිංග්ස් කණ්ඩායම සහ ගෝල් ටයිටන්ස් අතර පැවැත්වෙන මෙම තරගයේ කාසිය වාසිය දිනූ ජැෆ්නා නායක තිසර පෙරේරා පළමුව පන්දුවට පහරදීමට තීරණය කළා.
ඒ, අනුව ජැෆ්නා නායකයාගේ තීරණයට ප්රබල අභියෝගයක් එල්ල කළ ගෝල් ටයිටස් පන්දු යවන්නන් ජැෆ්නා ඉනිම ලකුණු 89කට සීමා කළා.
පන්දු යැවීමේ දී ජැෆ්නා ඉනිම දරුණු තැනකට ඇද දැමූ කසුන් රාජිත ලකුණු 20කට මුල්පෙළ කඩුලු 04ක් බිඳ දැමුවා.
දඟ පන්දු යවන ක්රීඩක තබ්රයිස් ෂම්සි සහ ලහිරු කුමාර ජැෆ්නා කඩුලු 02 බැඟින් බිඳ දැමීමට සමත් වුණා.
ජැෆ්නා ඉනිමේ වැඩිම ලකුණු ලාභියා වූ දුනිත් වෙල්ලාලගේ ලකුණු 22ක් රැස්කළ අතර, නායක තිසර පෙරේරා ලකුණු 13ක් රැස් කළා.
ඒ, අනුව මෙම තරගය ජයග්රහණය සඳහා ගෝල් ටයිටන්ස් ක්රීඩකයින්ට පන්දු 120ක් තුළ ලකුණු 90ක පහසු ඉලක්කයක් හිමිව තිබෙනවා.
