පාර්ලිමේන්තුව අසලදී විරෝධතාවේ යෙදී සිටි පුද්ගලයින් පිරිසක් අත්අඩංගුවට ගැනිම සම්බන්දයෙන් ජේෂ්ඨ පොලිස් අධිකාරි රොෂාන් ඩයස්ට ඇතැම් පිරිස් දුරකතනයෙන් සහ සමාජ ජාල හරහා මරණ තර්ජන එල්ල කර තිබෙනවා. පොලිස් මුලස්ථාන ආරංචි මාර්ග සදහන් කළේ ඔහු සහ ඔහුගේ පවුලේ අය මරා දමන බවට ජේෂ්ඨ පොලිස් අධිකාරිවරයාට මරණ තර්ජන කර ඇති බවයි.
ඒ සම්බන්ධව ඔහු විසින් පොලිස්පතිවරයා මෙන්ම බස්නාහිර පළාත් බාර ජේෂ්ඨ පොලිස් අධිකාරිවරයා දැනුවත් කර ඇති බවයි පොලිස් මුලස්තාන ආරංචි මාර්ග පැවසුවේ.රොෂාන් ඩයස් ඊයේ දිනයේ පොල්දුව මංසන්දියේ පර්ලිමේන්තුවට පිවිසෙන මාර්ගයේ විශේෂ රාජකාරි සදහා පැමිණ තිබෙනවා.එම ස්ථානයේ සිටි කාන්තාවන් තිදෙනෙකු ඇතුලු පුද්ගලයින් 13 දෙනෙකු අත්අඩංගුවට ගැනිමට පොලිසිය පියවර ගත්තා. කෙසේ වෙතත් සැකකරුවන් කඩුවෙල මහේස්ත්‍රාත් අධිකරණයට ඊයේ (04)රාත්‍රියේ ඉදිරිපත් කිරිමෙන් අනතුරුව ඇප මත මුදා හැරියා.
