ජැකලින්ට අකරතැබ්බයක් : මුම්බායි ගුවන් තොටුපොළේදී ආපසු හරවා යවයි

ශ්‍රී ලාංකික රංගන ශිල්පිනයක් වන ජැකලින් ෆර්නැන්ඩස් හට ඉන්දියාවෙන් පිටව යෑම වැළැක්වීමට එරට ආගමන විගමන නිලධාරීන් පියවර ගනු ලැබුවා.

ජැකලින් ෆර්නැන්ඩස් බොලිවුඩයේ රංගන ශිල්පිනයක් ලෙස කටයුතු කරනු ලබන අතර ඇය ඩුබායි හි පැවැත්වෙන ප්‍රසංගයක් සඳහා සහභාගී වීමට යෑම සඳහා මුම්බායි ගුවන් තොටුපළට පැමිණ තිබෙනවා.

මේ අවස්ථාවේදී ආගමන විගමන නිලධාරීන් විසින් ඇයට රටින් පිටව යෑම තහනම් කරමින් පනවා ඇති නියෝග මත ඇයට රටින් පිටව යෑමට ඉඩ ලබාදී නොමැති බවයි ඉන්දීය මාධ්‍ය වාර්තා කර සිටියේ.

ඉන්දියානු රුපියල් කෝටි 200ක මුදල් විශුද්ධිකරණ සිද්ධියක් සම්බන්ධයෙන් සිදුකරනු ලබන පොලිස් විමර්ෂණයකට අදාළව ජැකලින් ෆර්නැන්ඩස් ගේ ද නම ඈදී තිබීම මිට හේතුව වී ඇත.

මේ සම්බන්ධයෙන් ඇය අවස්ථා කිහිපයකදී එරට ආරක්ෂක අංශවල ප්‍රශ්න කිරීමකට ද ලක්විය.