spot_img
AFC Banner
Empty Ad
Empty Ad

ජපාන ගුවන් අනතුරින් පසු මෙහෙයුම් අලාභය ගැන අනාවරණයක්

ජපානයේ ටෝකියෝ නුවර හනෙඩා ගුවන් තොටුපලේ ධාවන පථයේදී ජපාන වෙරළාරක්ෂක ගුවන් යානයක, මගී ගුවන් යානයක ගැටී සිදුවූ අනතුරෙන් ඩොලර් මිලියන 100 කට වැඩි මෙහෙයුම් අලාභයක් සිදුවනු ඇති බව ජපාන ගුවන් සේවය පවසනවා.

ජපාන ගුවන් සේවයට අයත් මගී ගුවන් යානයේ සිටි 379 දෙනෙක් වූ මගීන් සහ කාර්ය මණ්ඩලය නිරුපද්‍රිතව යානයෙන් පිටතට පැමිණියත් වෙරළාරක්ෂක ගුවන් යානයේ නියමුවා හැර කාර්ය මණ්ඩලයේ 5 දෙනා ජීවිතක්ෂයට පත් වුණා.

මේ අතර විමර්ශකයින් විසින් නිකුත් කරන ලද ගුවන් ගමන් පාලක කුලුන සහ ගුවන් යානා අතර සන්නිවේදන සටහන් අනුව අනාවරණය වන්නේ වෙරළාරක්ෂක ගුවන් යානයට පියාසර කිරීමට අවසර ලබා දී නොමැති බවයි.

එම සටහන්වලට අනුව ගුවන් ගමන් පාලකවරයා ජපන් ගුවන් සේවයට අයත් මගී ගුවන් යානයට ධාවන පථයට පිවිසීමට අවසර ලබා දී තිබෙනවා.

ඉන් තත්ත්පර 10කට පසු වෙරළාරක්ෂක ගුවන් යානයට දැනුම් දී ඇත්තේ ධාවන පථයේ රැඳවුම් ස්ථානය වෙත ගුවන් යානය රැගෙන යන ලෙසයි.

එහි නියමුවා එය පුනරුච්ඡාරණය කරමින් ප්‍රතිචාර දැක් වූ බව සන්නිවේදන සටහන්වල දැක්වෙනවා.

කිසිදු අවස්ථාවක යානයට ධාවන පථයට පිවිසීමට අවසර ලබා දුන් බවක් එම සටහන්වල දක්නට ලැබෙන්නේ නැහැ.

කෙසේ වෙතත් අනතුරින් පසු ගිනිගෙන විනාශ වූ ගුවන් යානා දෙකෙහි පටිගත කිරීමේ යන්ත්‍රවල දත්ත මගින් අනාවරණය වන තොරතුරු මෙතෙක් හෙළි කර නැහැ.

ඔබේ ප්‍රතිචාරය කුමක්ද ?
+1
0
+1
1
+1
0
+1
1
+1
3
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?