රාජකාරී නිමකර නිවසට එමින් සිටි පොලිස් සැරයන්වරයකුගේ මළ සිරුර ගැටඹේ පාසල අසල මහවැලි ගෙඟ් තිබී ඊයේ (01දා) හමු වූ බව පේරාදෙණිය පොලිසිය පවසයි.
මහනුවර ගම්පොළ මාර්ගයේ ගෙළිඔය ප්‍රදේශයේදී පෙරේදා (30දා) අතුරුදන් වූ බව කියන පොලිස් සැරයන්වරයා පිළිබඳ කිසිදු තොරතුරක් සොයා ගැනීමට නොහැකිව තිබියදී ඔහුගේ සිරුර ඊයේ හමුවී ඇත්තේ ගෙළිඔය සිට කිලෝ මීටර 10 ක් පමණ දුරින් තිබියදීයි. නල්ලතන්නිය පොලිසියට අනුයුක්තව රාජකාරී කරන ලද මෙම සැරයන්වරයා පසුගිය 29දා නිවසට එමින් සිටියදී ගෙළිඔය නගරයේදී අතුරදන්ව ඇති බවට ඔහුගේ බිරිඳ විසින් පොලිසියට පැමිණිල්ලක් කර තිබෙනවා.
ගෙළිඔය නගරයේ සී.සී.ටී.වී. දර්ශන පරීක්ෂා කිරීමෙන් පසු ඔහු ජලයේ ගසා ගෙන ගියේද යන සැකය මත පොලිස් ජීවිත ආරක්ෂක අංශයේ නිලධාරීහු කණ්ඩායමක් ගෙළිඔය සහ මහවැලි ගඟ ආශ්‍රිත ප්‍රදේශයේ සෝදිසි මෙහෙයුමක් දියත් කර තිබෙනවා. මෙසේ මියගොස් ඇත්තේ ඒ. ඒ. සමරනායක (55) නමැති දෙදරු පියෙක් . සිද්ධිය සම්බන්ධයෙන් පේරාදෙණිය පොලිසියේ ස්ථානාධිපති ප්‍රධාන පොලිස් පරීක්ෂක විජිත් විජේකෝන් මහතාගේ මෙහෙයවීමෙන් පරීක්ෂණ පැවැත්වෙන බවත් සඳහන්
