spot_img
AFC Banner
Empty Ad
Empty Ad

ගෑස් උඳුනක් පිපිරී තුවාල ලැබූ කාන්තාවක් මරුට

ගෑස් උඳුනක් පුපුරායාමෙන් සිදුවූ අනතුරකින් පිළිස්සුම් තුවාල ලබා ප්‍රතිකාර ගනිමින් සිටි කාන්තාවක් ඉතා අවාසනාවන්ත ලෙස මියගොස් තිබේ. මෙලෙස මියගොස් ඇත්තේ විල්ගමුව, දේවගිරිය, පිදුරුවැල්ල ප්‍රදේශයේ පදිංචි 53 හැවිරිදි සිව්දරු මවකි. ඒ මහනුවර ජාතික රෝහලේ ප්‍රතිකාර ලබමින් සිටියදීය. රෝහල් අධ්‍යක්ෂ වෛද්‍ය අරුණ ජයසේකර මහතා ඒ බව තහවුරු කළේය. කුන්ඩසාලේ, නත්තරන්පොත ප්‍රදේශයේ නිවසක ගෑස් ලිප පුපුරා ගොස් තිබුණේ පසුගිය පළමුවනදාය.

අදාළ කාන්තාව පවුලේ පිරිස සමග කුණ්ඩසාලේ ප්‍රදේශයේ පදිංචිව සිට ඇත්තේ කුලී පදනම මත බවද වාර්තා විය.

ඒ, අදාළ කාන්තාව එදින අලුයම ආහාර පිසීමට සූදානම් වූ අවස්ථාවේදීය.

අනතුරින් තුවාල ලැබූ ඇය ප්‍රතිකාර සඳහා මහනුවර ජාතික රෝහලට ඇතුළත් කර තිබු අතර පිළිස්සුම් තුවාල සහිතව ප්‍රතිකාර ලබමින් සිටි එම කාන්තාව පසුගිය 10 වනදා මියගොස් තිබුණි.

පල්ලේකැලේ පොලීසිය පැවසුවේ ගෑස් අනතුර නිසා එම කාන්තාව ජීවිතක්ෂයට පත්ව ඇතත් අනතුරට නිශ්චිත හේතුව මේ දක්වා අනාවරණ කරගෙන නොමැති බවය.

ඒ සම්බන්ධයෙන් රජයේ රස පරීක්ෂකවරයාගෙන් වාර්තාවක් කැඳවා ඇති බවද පොලීසිය සඳහන් කළේය.

මේ අතර ගෑස් ලිප් පුපුරා යාමේ සිදුවීම් ප්‍රදේශ කිහිපයකින් අදත් වාර්තා විය.

වැලිමඩ දිමුතුගම ප්‍රදේශයේ නිවසක ගෑස් ලිප ඊයේ (11) පස්වරුවේ පුපුරා ගොස් තිබුණේ ආහාර පිසිමින් සිටින අතරතුරදීය.

පැල්මඩුල්ල, රිල්හේන ප්‍රදේශයේ නිවසක ද ගෑස් ලිප පුපුරා යාමෙන් අද (12) තවත් අනතුරක් සිදුව තිබුණි.

මීට අමතරව හැටන් කොටගල ඩ්‍රෙටන් වතුයාය, සූරියවැව, විහාරගල, වලස්මුල්ල සහ කන්තලේ ආරියවංශ මාවත යන ප්‍රදේශවලින් ද ගෑස් ලිප් පුපුරා යාමේ සිදුවීම් වාර්තාවුණි.

මේ අතර තලවතුගොඩ ජයවඩනගම ප්‍රදේශයේ ලිට්‍රො ගෑස් අලෙවි නියෝජිතයෙකු ගෑස් අලෙවිය තාවකාලිකව නවතා දර අලෙවි කිරීමට පටන්ගෙන තිබුණි.

ගෑස් ලිප් පිපිරීමේ සිදුවීම්වලින් පසුව පාරිභෝගික කටයුතු අධිකාරියේ නව මාර්ගෝපදේශ යටතේ රතු ලේබලයෙන් යුත් නව ලිට්‍රො සිලින්ඩර වෙළෙඳපොළට නිකුත්කිරීමට පියවර ගැණුනත් මීට මාස තුනකට පමණ පෙර එම ලාංඡනය සහිතවම නිකුත් කළ සිලින්ඩර පවතින බවද එම අලෙවි නියෝජිතයා එහිදී පෙන්වා දුනි.

මේ අතර ගෑස් රැගෙන මෙරටට ළඟාවූ නෞකාවක් වත්තල උස්වැටකෙයියාව තල්දියවත්ත මුහුදුතීරයේ නැංගුරම්ලා තිබේ.

පරීක්ෂණ සඳහා ඉන් ගෑස් සාම්පල ලබාගෙන ඇති බව වාර්තා වෙයි.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්
Video thumbnail
Dasatha “පිටුවෙන් පිටුව” – LIVE | 2024-07-10
00:00
Video thumbnail
"අනුර කුමාරට මැතිවරණය දිනන්න බෑ" #nalakagodahewa #anurakumaradissanayake
02:34
Video thumbnail
දසත Mid Day 11.25 ප්‍රධාන ප්‍රවෘත්ති ප්‍රකාශය - DASATHA NEWS 11.25 PM LIVE | 2024-07-09|Dasatha News
36:55
Video thumbnail
"රාජ්‍ය සේවකයෝ කියන්නේ මහා වැටුපක් ලබන අය නෙවෙයි" #tax #nalakagodahewa
07:46
Video thumbnail
PRAHARAYA | පා.ම. නාලක ගොඩහේවා සහභාගීවන ප්‍රහාරය වැඩසටහන සජීවීව
01:48:28
Video thumbnail
රට වට්ටපු අය ගැන නාලක ගොඩහේවා කළ හෙළිදරව්ව - "කාගෙවත් උපදෙස් මත මේ අය වැඩ කරන්නේ නෑ"
03:35
Video thumbnail
"මාව දේශපාලනයට තල්ලු කළා" - "ඒ කාලෙත් මම චරිතයක් වෙලා තිබ්බා" #nalakagodahewa
10:49
Video thumbnail
මරු තුරුලට යන බවක් නොදැන සිටි Club වසන්තගේ අවසන් තප්පර කිහිපයේ Videoව එළියට
01:39
Video thumbnail
පොහොට්ටුවෙන් සජබෙට දැන් කීයක් ඇවිත්ද ? මෙන්න දැනගන්න
05:08
Video thumbnail
කොටුව දුම්රියපොළේ උණුසුම් තත්ත්වයක්...
03:02

?