හෙල කිරුළට උරුමකම් කියන්නට අයිතියක් තිබූ බිසවක් ලෙස සුගලා දේවිය හදුන්වනවා.
සේනාධිනායිකාවක් ලෙස හදුන්වනු ලබන ඇය මහා පරාක්රමබාහු රජුගේ සේනාවන්ට එරෙහිව සටන් මෙහෙයවූ බවටද ඉතිහාස තොරතුරු වාර්තා කරනවා.
විජයබාහු රජුගේ මිනිබිරියක වූ සුගලා දේවිය පසු කලෙක විජයබාහු රජුගේ සොයුරියක වූ මිත්තාගේ පුතකු වන ශ්රී වල්ලභයන් සමග විවාහ ගිවිස ගෙන තිබුණාය.
කෙසේ වෙතත් පසුගිය කාලයේදී ඇය ගැන කතාව යළිත් කරළියට ආවේය.
ඒ සුගලා දේවියගේ සිරුර කිසියම් පිරිසක් විසින් සොයාගෙන කෝටි ගණනක වස්තුව පැහැරගෙන නිරුපද්රිතව තිබූ ඇගේ සිරුර විනාශ කර ඇති බවට පැතිරගිය කතාව නිසාය.
දැන් නැවතත් මෙම සිදුවීම අන්තර්ජාලය පුරා සාවද්ය පුවත් පතුරවමින් පැතිර යමින් පවතී.
ඒ සුගලා දේවියගේ කෝටි ගණනක වස්තුව හමුවී ඇති බවට සඳහන් කරමිනුයි.
මීට වසර කිහිපයකට ඉහතදී මතුවූ මෙම සිදුවීම වර්තමානයේ සිදුවූ සිදුවීමක් ලෙස සඳහන් කරමින් වාර්තා වන පුවත් සාවද්ය බවයි ගොසිප් ලංකා නිව්ස් අප කළ විමසීමකදී හෙළි වුණේ.
