සම්භාහන මධ්‍යස්ථාන, මුහුණු පොතෙන් සහ අන්තර්ජාලයෙන් හඳුනාගත් කාන්තාවන් රවටා ඔවුන්ට ලිංගික අතවර සිදුකර රන් අභරණ කොල්ල කෑ හිටපු හමුදා සෙබළෙක් වාද්දූව පොලිසිය විසින් ඊයේ අත්අඩංගුවට ගෙන තිබෙනවා.
සැකකාර හමුදා සෙබළා පොලිස් මූලස්ථානයේ ව්‍යාජ හැදුනුම්පතක් පෙන්වා බිය ගන්වමින් මෙම අපරාධ සිදුකර ඇති බවයි වාර්තා වන්නේ.
මෙලෙස අත්අඩංගුවට ගෙන ඇත්තේ බණ්ඩාරගම, මිල්ලනිය ප්‍රදේශයේ පදිංචි 53 හැවිරිදි පුද්ගලයෙක්.
කොට්ටාව ප්‍රදේශයේ පදිංචි කාන්තාවක් විසින් පොලිසියට සිදුකළ පැමිණිල්ලකට අනුවයි සැකකරු අත්අඩංගුවට ගෙන ඇත්තේ.
සැකකරු විසින් සම්භාහන මධ්‍යස්ථාන, මුහුණු පොතෙන් සහ අන්තර්ජාලයෙන් හඳුනාගත් කාන්තාවන් වාද්දූව, මොරොන්තුඩුව සහ ඒ අවට ප්‍රදේශවල ලැඟුම්හල් වෙත කැඳවාගෙන ගොස් ලිංගික අතවර කර ඇති බවයි අනාවරණය වී ඇත්තේ.
අනතුරුව සැකකරු විසින් තමා පොලිස් මූලස්ථානයේ උසස් පොලිස් පරීක්ෂකවරයෙකු බවට ව්‍යාජ හැදුනුම්පතක් පෙන්වා එම කාන්තාවන්ගේ රන් ආභරණ ද කොල්ල කා ඇති බවට ද අනාවරණය වී තිබෙනවා.
සැකකරු විසින් මෙලෙස කොල්ලකන ලද රන් අභරණ අඩුමිලට අලෙවි කර තිබිය දී සොයාගෙන ඇති අතර, ඊට අමතරව රුපියල් එක්ලක්ෂ හතලිස් තුන්දහස මුදලක්, ජංගම දුරකථනය, ව්‍යාජ පොලිස් හැදුනුම්පතක් ද සොයාගැනීමට පොලිසියට හැකිව තිබෙනවා.
