spot_imgspot_img

කටුනායක අලුත් වෙයි (ඡායාරූප)

කටුනායක බණ්ඩාරනායක ජාත්‍යන්තර ගුවන් තොටුපොළ නවීකරණය සහ පුළුල් කිරීම සඳහා අත්‍යවශ්‍ය ව්‍යාපෘති ගණනාවක් අමාත්‍ය නිමල් සිරිපාල ද සිල්වා ඇතුළු මැති ඇමතිවරුන් රාශියකගේ ප්‍රධානත්වයෙන් පැවැත්වුණා.

එම ව්‍යාපෘති අතර කටුනායක ගුවන් තොටුපොළ ඉදිරිපිට ‘මිත්‍රත්ව’ මාර්ගය විවෘත කිරීම, කටුනායක ගුවන් තොටුපොළ පැමිණීමේ මගී පර්යන්තය සඳහා නව ප්‍රවේශ මාර්ගයක් විවෘත කිරීම, පිටත්වීමේ මගීන් සඳහා නව වාහන නැවතුම් අංගනයක් විවෘත කිරීම, ගුවන් තොටුපොළ මෙහෙයුම් ක්‍රියාවලිය සඳහා නව ගුවන් ගමනාගමන කළමනාකරණ පද්ධතියක් ස්ථාපිත කිරීම, ගුවන් තොටුපොළ විදුලි බල අවශ්‍යතා සඳහා නව සූර්ය බල පද්ධතියක් (Solar System) විවෘත කිරීම ආදී අවස්ථා රැසක් අද දිනයේ දී සිදු කරනු ලැබූ බවයි වාර්තා වන්නේ.

මීට අමතර ව ගුවන් තොටුපොළ වෙත පිවිසෙන මගීන්ට, අමුත්තන්ට මැග්ස්ටර් මාර්ගගත ක්‍රමයට සඟරා, පුවත්පත් කියවීමේ පහසුකම් විවෘත කිරීම, ගුවන් තොටුපොළ පැමිණීමේ පර්යන්තයේ Wellcome To Sri Lanka නාම පුවරුව විවෘත කිරීම, ස්වයංක්‍රීය නව විගමන දොරටු පද්ධතිය නිරීක්ෂණය කිරීම ද මෙහිදී අමාත්‍ය නිමල් සිරිපාලගේ ප්‍රධානත්වයෙන් සිදු කෙරුණා.

මෙම නව ඉදිකිරීම් සහ ස්ථාපිත කිරීම් සඳහා සීමාසහිත ගුවන් තොටුපොළ සහ ගුවන් සේවා සමාගමේ අරමුදල් ආයෝජන කර තිබූ අතර; ඊට අමතර ව ශ්‍රී ලංකා ආයෝජන මණ්ඩලය, මාර්ග සංවර්ධන අධිකාරිය , ශ්‍රී ලංකා ඉඩම් සංවර්ධන සංස්ථාව, කටාන ප්‍රාදේශීය සභාව සහ කටුනායක – සීදුව නගර සභාව සහ තවත් පෞද්ගලික ආයතන රාශියක් සහාය දක්වා තිබුණු බවයි ගුවන් තොටුපොළ ආරංචි මාර්ග පවසන්නේ.

මෙම නව අංග කටුනායක ගුවන් තොටුපොළ වෙත එක් වීම මගින් මෙම ගුවන් තොටුපොළ දකුණු ආසියාවේ හොදම කාර්යක්ෂ ම ගුවන් තොටුපොළක් බවට පත් වෙමින් පවතින බව ද අමාත්‍යවරයා ප්‍රකාශ කළා.

මෙම අවස්ථාවට වරාය ප්‍රවාහන, මහාමාර්ග සහ ජනමාධ්‍ය අමාත්‍ය ආචාර්ය බන්දුල ගුණවර්ධන, වෙළෙඳ හා වාණිජ කටයුතු අමාත්‍ය නලින් ප්‍රනාන්දු, වරාය සහ ගුවන් සේවා රාජ්‍ය අමාත්‍ය ප්‍රේමලාල් ජයසේකර, ප්‍රවාහන රාජ්‍ය අමාත්‍ය ලසන්ත අලගියවන්න, සීමාසහිත ගුවන් තොටුපොළ සහ ගුවන් සේවා සමාගමේ සභාපති විශ්‍රාමික මේජර් ජනරාල් ජී.ඒ. චන්ද්‍රසිරි, සිවිල් ගුවන් සේවා අධිකාරියේ සභාපති ජී.එස්.විතානගේ යන මහත්වරුන් ඇතුළු පිරිසක් එක් ව සිටියා.

ඔබේ ප්‍රතිචාරය කුමක්ද ?
+1
0
+1
1
+1
4
+1
1
+1
0
+1
1
+1
3
Subscribe
Notify of
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවු තවත් පුවත්

?