ඕස්ට්‍රේලියාවේ දී වැරදි සිදුව ඇත්නම් කඩිනම් ක්‍රියාමාර්ග ගන්නවා – ක්‍රීඩා ඇමති

ඕස්ට්‍රේලියාවේදී නිමා වූ විස්සයි විස්ස ලෝක කුසලාන ක්‍රිකට් තරඟාවලිය සඳහා ශ්‍රී ලංකාව නියෝජනය කළ කණ්ඩායම සම්බන්ධව සහ ඊට අදාළව මතුවූ විවිධ චෝදනාවන්ද “බෝන් අගේන්” ආගමෙන් ශ්‍රී ලංකා ක්‍රිකට් කණ්ඩායමට වන බලපෑම ද පරීක්ෂා කිරීම සඳහා පත් කළ පංච පුද්ගල විශේෂ පරීක්ෂණ මණ්ඩලයේ වාර්තාව සම්බන්ධයෙන් ක්‍රීඩා හා යෞවන කටයුතු අමාත්‍ය රොෂාන් රණසිංහ අදහස් දක්වා සිටියා.

එහිදී ක්‍රීඩා අමාත්‍යවරයා සඳහන් කළේ ඕස්ට්‍රේලියා වාර්තාව පරීක්ෂාකර බලා වැරදි සිදුව ඇත්නම් ඒ සම්බන්ධයෙන් කඩිනම් ක්‍රියාමාර්ග ගන්නා බවයි.

“ඕස්ට්‍රේලියා වාර්තාව මට ලැබුණා. නමුත් මම වයඹ පළාතේ, උතුරු පළාතේ, උතුරු මැද පළාතේ වැඩ කටයුතුවල නිරත වෙලා හිටියේ. ඉතින් මම මේ වාර්තාව වෙන කෙනෙකුගෙන් උපදෙස් නොගෙන, මම ම කියවලා ඒ සම්බන්ධයෙන් කටයුතු කරන්න බලාපොරොත්තු වෙනවා. වැරදි සිදුවෙලා තියෙනවනම් ඒ සම්බන්ධයෙන් අනිවාර්යයෙන් තීරණ ගන්නවා.”

මේ සම්බන්ධයෙන් අදහස් දැක් වූ අමාත්‍යවරයා තව දුරටත් කියා සිටියේ එහි නිර්දේශයන් හා නිගමනයන්ට අනුව ඉදිරියේ දී ක්‍රීඩාවේ දියුණුව හා සංවර්ධනය වෙනුවෙනුත් ක්‍රීඩකයින්ගේ දියුණුව සහ අනාගතය වෙනුවෙනුත් ක්‍රියා කිරීමට බලාපොරොත්තු වන බවයි.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
1
හම්මෝ !
1
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

spot_img
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

සතියේ ජනප්‍රියම පුවත්

අපගේ නවතම පුවත්

?