එළවළු ලොරි රථයක් සහ බවුසරයක් එකිනෙක ගැටීමෙන් සිදු වූ අනතුරකින් ලොරි රථයේ සහායක බරපතළ තුවාල ලබා රෝහල්ගත කර තිබෙනවා.
A9 මාර්ගයේ මිහින්තලය – පලුගස්වැව ප්රදේශයේ දී අද අලුයම 03ට පමණ මෙම අනතුර සිදු වුණා.
අප ප්රාදේශීය වාර්තාකරු සඳහන් කළේ; එළවළු ලොරි රථයක් ඉන්ධන බවුසරයක ගැටීමෙන් මෙම අනතුර සිදු වූ බවත්, ඉන් පුද්ගලයින් දෙදෙනකු තුවාල ලබා අනුරාධපුර ශික්ෂණ රෝහලට ඇතුළත් කර ඇති බවයි.
මෙසේ රෝහලගත කර ඇත්තේ එළවළු ලොරියේ ගමන් ගත් රියදුරු සහ ලොරි සහායකයා වන අතර එම ලොරි සහයකයාගේ තත්ත්වය බරපතළ බවත් රෝහල් ආරංචි මාර්ග පවසනවා.
මෙලෙස තුවාල ලැබූවන් යාපනය ප්රදේශයේ පදිංචිකරුවන්.
මෙම ලොරි රථය, යාපනය ප්රදේශයේ සිට දඹුල්ල ආර්ථික මධ්යස්ථානය වෙත එළවළු ප්රවාහනය කරමින් සිටියදී මාර්ගයේ නවතා තිබූ ඉන්ධන බහුසරයක පිටුපස ගැටී එළවළු ලොරි රථය පෙරළී ගොස් තිබෙනවා.
අනතුර සම්බන්ධයෙන් මිහින්තලය පොලිසිය විසින් පරීක්ෂණ පවත්වන අතර පොලිසිය පවසන්නේ එළවළු ලොරි රථයේ රියදුරුට නින්ද යාම අනතුරට හේතුව බවයි.
