එක්සත් ජාතීන්ගේ පළමු කමිටුවේ සභාපතිවරයා ලෙස ශ්‍රී ලාංකිකයෙක් පත් කිරීම මෙරට ලැබූ ප්‍රගතියක් – අගමැති

යම් යම් රටවල් සිය ප්‍රතිපත්ති අනුව තමන්ගේ ජාතික ස්ථාවරයන් අනුව අභ්‍යන්තරව හා තමන්ගේ ජාත්‍යන්තර මිත්‍රත්වය අනුව ජිනීවා මානව හිමිකම් කොමිසම හමුවේ ඡන්දය දීමේ දී විවිධ පිළිවෙත් අනුගමනය කළත්, එසේ වූයේ ශ්‍රී ලංකාව සමඟ අමනාපයෙන් නොවන බව අග්‍රාමාත්‍ය දිනේෂ් ගුණවර්ධන සඳහන් කරනවා.

මෙය එක්සත් ජාතීන්ගේ සංවිධානය ශ්‍රී ලංකාවට එරෙහිව යන්නේ යැයි අර්ථකථනය නොකළ යුතු බවයි අග්‍රාමාත්‍යවරයා සඳහන් කරන්නේ.

එමෙන්ම එක්සත් ජාතීන්ගේ සංවිධානයේ ශ්‍රී ලංකා නිත්‍ය නියෝජිත මොහාන් පීරිස්, එක්සත් ජාතීන්ගේ පළමු කමිටුවේ සභාපතිවරයා ලෙස පත් කිරීම ශ්‍රී ලංකාව ලබා තිබෙන වැදගත් ප්‍රගතියක් බව ද අග්‍රාමාත්‍යවරයා පෙන්වා දෙනවා.

අග්‍රාමාත්‍යවරයා කියා සිටියේ, එල්.ටී.ටී.ඊ.  සිරකරුවන් රාශියක් නිදහස් කර යැවීමේ කටයුතු විදේශ අමාත්‍යවරයා ජිනීවා මානව හිමිකම් කොමිසමට ප්‍රකාශ කර ඇති බවයි.

එමෙන්ම ත්‍රස්තවාදය වැළැක්වීමේ පනත ඉවත් කිරීම සඳහා අවශ්‍ය නීති පාර්ලිමේන්තුවට ගෙන එන බව ද ඔහු ප්‍රකාශ කළා.

ජිනීවා මානව හිමිකම් කොමිසමේදී ශ්‍රී ලංකාව මුහුණ දුන් තත්ත්වය පිළිබඳ හිටපු විදේශ අමාත්‍ය පාර්ලිමේන්තු මන්ත්‍රී මහාචාර්ය ජී.එල්. පීරිස් ඊයේ (07) දින පාර්ලිමේන්තුවේදී ඉදිරිපත් කළ මතයට, පිළිතුරු දෙමින් අග්‍රාමාත්‍යවරයා මේ බව කියා සිටියා.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
1
මාර දුකයි !
0
මලපනිනව !
0
කුජීතයි !
0
spot_img

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

අපගේ නවතම පුවත්

සතියේ ජනප්‍රියම පුවත්

?