ඉන්ධන පෝලිම් ආශ්‍රිතව මරණ 18ක්

ඉන්ධන පිරවුම්හල් ආශ්‍රිතව ජීවිතක්ෂයට පත් වූ පුද්ගලයින්ගේ සංඛ්‍යාව 18ක් දක්වා මේ වනවිට ඉහළ ගොස් තිබෙනවා.

ඊට ආසන්නතම සිදුවීම ඊයේ (07) රාත්‍රියේ ගාල්ල – මාගල්ල ඉන්ධන පිරවුම්හලෙන් වාර්තා වන අතර දෙපිරිසක් අතර ඇති වූ ගැටුමකින් 25 හැවිරිදි පුද්ගලයෙක් මෙලෙස ජීවිතක්ෂයට පත් වුණා.

ඊයේ (07) රාත්‍රියේ ඉන්ධන පෝලිමට පැමිණි බටදුව ප්‍රදේශයේ පුද්ගලයෙකු තම මෝටර් රථය මිතුරෙකුගේ වෙළෙඳසැලක් ඉදිරිපිට ඉඩ තිබූ ස්ථානයකින් පෝලිමට ඇතුළු කිරීමට උත්සාහ කළ අවස්ථාවේ පෝලිමේ පිටුපස සිටි පිරිසක් එයට විරෝධය පළකර තිබෙනවා.

ඒ, සමඟ ගැටුමක් ඇති වී තිබෙන අතර, අනතුරව මෝටර් රථයේ පැමිණි පුද්ගලයා මේ සම්බන්ධයෙන් ඔහුගේ හිතවතුන් කිහිප දෙනෙකුට දැනුම් දී ඇති බවයි වාර්තා වුණේ.

පසුව ඔවුන් පැමිණ රියදුරුට හිරිහැර කළ පුද්ගලයින්ට පහරදී ඇති බවයි වාර්තා වුණේ.

එහිදී ඇති වූ ගැටුමේ දී අදාල 25 හැවිරිදි තරුණයා ජීවිතක්ෂයට පත්ව ඇති අතර තවත් තිදෙනෙකු බරපතල තුවාල ලබා රෝහල් ගතව ප්‍රතිකාර ලබනවා.

මේ අතර ඊයේ (07) දිනයේ දී තවත් පුද්ගල මරණ දෙකක් ඉන්ධන පිරවුම්හල් ආශ්‍රිත වාර්තා වූ අතර පයාගල සහ බම්බලපිටිය යන ප්‍රදේශ වලින් මෙම මරණ දෙක වාර්තා වී තිබුණා.

ඒ අනුව ඉන්ධන පිරවුම්හල් ආශ්‍රිතව ඇති දිගු පෝලිම් මේ වනවිට මිනිස් ජීවිත උදුරා ගන්නා අනාරක්ෂිත තැනක් බවට පත්ව අවසන්.

කෙසේ වෙතත් මේ වන විටත් දිවයින පුරා ඇති ලංකා ඉන්දියන් ඔයිල් සමාගමට අයත් ඉන්ධන පිරවුම්හල් ආශ්‍රිතව දිගු පෝලිම් දක්නට ලැබෙනවා.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
1
මාර දුකයි !
4
මලපනිනව !
0
කුජීතයි !
0
spot_img

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

අපගේ නවතම පුවත්

සතියේ ජනප්‍රියම පුවත්

?