අහංගම හෝටලයක් තුළ වෙඩි තැබීමේ සිද්ධියේ තොරතුරු රැසක් එළියට

අහංගම, ගොවියාපාන ප්‍රදේශයේ හෝටලයක් තුළ දී ඊයේ (04) රාත්‍රියේ සිදුකළ වෙඩි තැබීමෙන් ඝාතනයට ලක් වූ පුද්ගලයා මීට පෙර පුද්ගල ඝාතනයක් සම්බන්ධයෙන් බන්ධනාගාර ගතව සිට ඇප ලබා පැමිණි අයෙක් බවට තොරතුරු වාර්තා වනවා.

අදට වසරකට පමණ පෙර එනම් 2021 වසරේ අගෝස්තු මස 05 වන දින අහංගම ප්‍රදේශයේ අවන්හල තුළ පැවති මත්පැන්
සාදයකින් අනතුරුව පිරිසක් අතර ඇති වූ බහින් බස්වීමක් දුරදිග යාමෙන් තියුණු ආයුධවලින් පහර දී මිදිගම ප්‍රදේශයේ 35 හැවිරිදි තරුණයෙකු ඝාතනය කර තිබුණා.

එම අපරාධය සම්බන්ධයෙන් ඊයේ (04) රාත්‍රියේ වෙඩි ප්‍රහාරයෙන් ඝාතනයට ලක් වූ පුද්ගලයා බන්ධනාගාර ගතව සිට ඇප ලබා පැමිණ සිටි බවයි අනාවරණය වී ඇත්තේ.

එම ඝාතය සහ ඊයේ සිදුවූ ඝාතනය අතර යම් සම්බන්ධතාවක් පවතී ද යන්න පිළිබඳව පොලිස් පරීක්ෂණ ආරම්භ කර තිබෙනවා.

ඊයේ (04) රාත්‍රියේ නාඳුනන පුද්ගලයෙකු විසින් සිදුකළ වෙඩි තැබීමකින් 44 හැවිරිදි අදාල පුද්ගලයා ජීවිතක්ෂයට පත් වූ අතර තවත් අයෙක් බරපතල තුවාල ලැබුවා.

ඝාතනයට ලක් වූ පුද්ගලයා වැලිගම, දේනුවල ප්‍රදේශයේ පදිංචි අයෙක් වන අතර ඔහු වැලිගම ප්‍රාදේශීය සභාවේ සුළු සේවකයෙක් බවයි වාර්තා වුණේ.

මේ අතර 2021 වසරේ අගෝස්තු මස 05 වන දින ඝාතනයට ලක්වූ 35 හැවිරිදි තරුණයාගේ වර්ෂ පූර්ණ දානමය පිංකම අද දිනයේ දී පැවැත්වෙන බවයි අප වාර්තාකරු සඳහන් කළේ.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

spot_img
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

සතියේ ජනප්‍රියම පුවත්

අපගේ නවතම පුවත්

?