අයහපත් කාලගුණයෙන් දිස්ත්‍රික්ක 11කට බලපෑම් – සහන නොලැබෙන්නේ නම් 117ට දැනුම් දෙන්න

දිවයිනට බලපා ඇති අයහපත් කාලගුණ තත්ත්වය හේතුවෙන් දිස්ත්‍රික්ක 11ක පුද්ගලයින් 55,000කට අධික පිරිසක් මේ වනවිට පීඩාවට පත්ව සිටිනවා.

පසුගිය දින කිහිපය තුළ ඇදහැලුණු අධික වර්ෂාව හේතුවෙන් හම්බන්තොට, ගාල්ල, ත්‍රිකුණාමලය, කිලිනොච්චිය, කළුතර, ගම්පහ, කොළඹ, පුත්තලම, රත්නපුර, කෑගල්ල සහ මහනුවර යන දිස්ත්‍රික්කවලට බලපෑම් එල්ල වුණා.

මේ අතර වර්ෂාව හේතුවෙන් කැළණි, ගිං, කළු, නිල්වලා ගඟා සහ අත්තනගලු ඔය මෙන්ම මාඔය ආශ්‍රිත ප්‍රදේශවල සිටින ජනතාවට වඩාත් අවධානයෙන් සිටින ලෙසයි ආපදා කළමනාකරණ මධ්‍යස්ථානය දැනුම් දෙන්නේ.

එමෙන්ම ජාතික ගොඩනැගිලි පර්යේෂණ සංවිධානය විසින් කොළඹ, ගාල්ල, කළුතර, කෑගල්ල, නුවරඑළිය සහ රත්නපුර යන දිස්ත්‍රික්ක හය සඳහා නායයෑම් අනතුරු ඇගවීමේ නිවේදනයක් ද නිකුත් කර තිබෙනවා.

මේ අතර අයහපත් කාලගුණයෙන් විපතට පත්වූවන්ට කඩිනම් සහන සැලසීමට ජනපතිවරයා දිස්ත්‍රික් ලේකම්වරුන්ට උපදෙස් ලබා දුන්නා.

ඒ අනුව ඒ සඳහා අවශ්‍ය සියලුම මුදල් ප්‍රතිපාදන භාණ්ඩාගාරය විසින් වෙන් කර ඇති බවත් ප්‍රාදේශීය ලේකම්වරුන්ට සහ දිසාපතිවරුන්ට මේ සම්බන්ධයෙන් උපදෙස් ලබා දී ඇති බවත් වාර්තා වනවා.

මේ අතර රජය මඟින් ලබාදෙන සහන නොලැබෙන්නේ නම් 117 ආපදා සහන සේවා අංකය අමතන ලෙස අආපදා කළමනාකරණ මධ්‍යස්ථානයේ අධ්‍යක්ෂ ජනරාල්වරයා දැනුම් දෙනවා.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
1
හම්මෝ !
1
මාර දුකයි !
0
මලපනිනව !
0
කුජීතයි !
0
spot_img

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

අපගේ නවතම පුවත්

සතියේ ජනප්‍රියම පුවත්

?